ВИДЕО

2024-чу шеран гIуран беттан 17-чу дийнахь Кадыров А. А. цIарах йолчу Керла-Бенарчу йуккъерчу ишколехь, нохчийн меттан, литературин хьехархочо Байхажиев Бувайсаран Хьасайна 9-чу классехь дIайаьхьира регионан методически проектаца йолу нохчийн меттан "Хуттургаш а, хуттургийн дешнаш а" темица «Сцени тIехь урок».

ХьошалгIахь бара Нохчийн меттан институтан методикин центран куьйгалхо Абдуразаков ИбрахIиман Шертбек а, Гуьмсан кIоштан дешаран урхаллин методикин кхачойаран декъан белхалой Салманиева Султанан Индира а, ткъа иштта Гуьмсан кIоштара нохчийн меттан, литературин хьехархой а. Шен къамелехь, урокан мах хадош, Абдуразаков ИбрахIиман Шертбека билгалдаьккхира керлачу ФПДС-н лехамашца урок йогIуш хилар а, урокехь кхочушдан лерина жамIаш, кхачам боллуш, кхочушхилла хилар а. Цхьаьнакхетар дерзийра, хьехархочунна а, дешархошна а «Сцени тIехь урок» проектехь дакъалацаран тоьшаллин сертификаташ даларца.